postheadericon

Оставить комментарий

Был донъяла ҡунаҡларһың,
Уҡыһаң, йөҙөң аҡларһың.
Замана ғилемен белһәң,
Донъя тәртибен һаҡларһың.

Уҡыусыларым алдында мин
Үҙемде бурыслы тоям.
Шәфҡәтлелек, изгелектән,
Матурлыҡ, гүзәллектән
Бер бөтөн ынйы ҡоям.

Беҙ башлаған изге һуҡмаҡтарҙан
Өҙөлмәһен бала эҙҙәре.
Яңғырап торһон көмөш ҡыңғырауҙар,
Балҡып торһон сабый күҙҙәре.

Уҡытыусымын! Сәскән орлоҡтарым
Аҡыл емешенә әйләнгән.
Сөнки илем, халҡым киләсәге
Минең хеҙмәтемә бәйләнгән.